जनयुद्धलाई गलत भन्न वैद्यलाई प्रचण्डको चुनौति

काठमाडौं, असार ९ - एकीकृत नेकपा माओवादीका अध्यक्ष पुष्पकमल दाहाल प्रचण्डले जनयुद्ध नै गलत भन्न मोहन वैद्य पक्षलाई चुनौति दिनुभएको छ । काठमाडौंमा भएको कार्यक्रममा प्रचण्डले जनयुद्धको अगुवाई गर्ने नेतृत्व र विचारलाई गलत भनिसकेपछि जनयुद्ध सही हुन नसक्ने भन्दै वैद्य पक्षलाई जनयुद्धलाई गलत भन्नुपर्ने बताउनुभयो ।

‘अब किरणजीहरुले जनयुद्ध शुरु गर्नु अघि नै म...ैले त्यसलाई तुहाउने षडयन्त्र गरेको भन्नुपर्छ ।’ प्रचण्डले भन्नुभयो ‘जनयुद्धको विचार र नेतृत्व गलत भएपछि जनयुद्ध कसरी सही हुन्छ ?’ प्रचण्डले अब आफूले वैद्य पक्षले गर्ने जनयुद्ध हेर्ने चुनौति दिनुभयो ।
पार्टी फूटाएर वैद्य पक्षले अनैतिक र बिसर्जनवादी काम गरेको गरेको प्रचण्डले आरोप लगाउनुभयो । आफू अझै पनि एकताका लागि तयार रहेको र प्रयत्न गरिरहेको भन्दै प्रचण्डले एकता नगरे वैद्य पक्षको पतन हुने टिप्पणी गर्नुभयो । वैद्य पक्षले आवेगमा आएर पार्टी फूटाएको प्रचण्डको आरोप छ