सहमति विना प्रधानमन्त्रीको राजीनामा आउँदैन : प्रचण्ड

काठमाडौ, असार १८ – एकीकृत नेकपा माओवादीका अध्यक्ष पुष्पकमल दाहाल प्रचण्डले सहमतिका लागि वातावरण बनेमा प्रधानमन्त्री डा. बाबुराम भट्टराईले पद छाड्ने बताउनुभएको छ । आइतबार राती मधेसी जनअधिकार फोरम नेपालका अध्यक्ष उपेन्द्र यादवसंगको भेटमा प्रचण्डले राष्ट्रिय सहमति विना प्रधानमन्त्रीको राजीनामा नआउने बताउनुभयो ।

उहाँले सहमतिका लागि संविधान निर्माण...का क्रमका जुटेका सहमतिलाई कायम गर्दै संघीयताको मुद्दामा समझदारी गर्नुपर्ने बताउनुभयो । तर फोरम नेपालका अध्यक्ष यादवले भने सहमतिका लागि प्रधानमन्त्रीले राजीनामा दिनुपर्ने सुझाब दिनुभयो ।

आफूले सहमतिका लागि प्रधानमन्त्रीले राजीनामा दिनुपर्ने बताएको र प्रचण्डले सहमति विना राजीनामा नआउने बताउनु भएको यादवले उज्यालोलाई जानकारी दिनुभयो ।