राष्ट्रपति र माओवादी अध्यक्ष प्रचण्डबीच बजेटका विषयमा छलफल

काठमाडौं, असार २४ – राष्ट्रपति डा. रामवरण यादव र एकीकृत नेकपा माओवादीका अध्यक्ष पुष्पकमल दाहाल प्रचण्डबीच बजेटको विषयमा छलफल भएको छ । शितल निवासमा आइतबार बिहान भएको भेटमा प्रचण्डले राजनीतिक सहमतिमै बजेट ल्याउने सहमतिमै बजेट ल्याउने भइरहेकोबारे राष्ट्रपतिलाई जानकारी गराउनुभएको छ ।
...
सहमतिमै बजेट ल्याउनका लागि सरकार बाहिर रहेका दलहरुसँग पनि छलफल भइरहेको प्रचण्डले बताउनुभयो । भेटपछि प्रचण्डले राष्ट्रपतिसँग समसामयिक राजनीतिक विषय बाहेक मुख्य गरी बजेटकै विषयमा छलफल भएको बताउनुभयो ।

सरकारले पूर्ण वा एक तिहाई कस्तो बजेट ल्याउने तयारी गरेको हो भन्ने पत्रकारको जिज्ञासामा प्रचण्डले अहिले सहमतिमै बजेट ल्याउने तयारी भएको प्रतिक्रिया मात्रै दिनुभयो । सरकार बाहिर रहेका दलहरु र मधेशी मोर्चासंग पछिल्लो चरणमा भएका छलफलले राजनीतिक सहमतिको बाताबरण बन्दै गएको उहाँको भनाई छ ।