निर्वाचित प्रधानमन्त्रीलाई सत्ता हस्तान्तरण : प्रधानमन्त्री भट्टराई

काठमाडौ, असार ११ -
प्रधानमन्त्री डा‌. बाबुराम भट्टराईले निर्वाचित प्रधानमन्त्रीलाई मात्र सत्ता हस्तान्तरण गर्ने बताएका छन् । ब्राजिलको रियो द जेनेरियोमा भएको दीगो विकास सम्बन्धी सम्मेलनबाट फर्कने क्रममा संवाददाताहरुसंग राजिनामाको संभावनालाई इन्कार गरेका छन् ।
'संसदबाट चुनिएर आउने प्रधानमन्त्रीलाई सत्ता हस्तान्तरण गर्ने हो' उनले सोमबार त्रिभूवन विमानस्थालमा संवाददातासंग भने । उनले तत्काल राजिनामाको कुनै संभावना नरहेको पनि उल्लेख गरे ।
माओवादी फुटेको र सरकार बाहिरका दलहरुले राष्ट्रि सहमतिको सरकारका लागि प्रधानमन्त्रीले सत्ता छाड्नु पर्ने भनिरहेको बेला प्रधानमन्त्री भट्टराईले त्यो संभावनालाई अस्वीकार गरेका हुन् ।